བླ་མའི་ཐུགས་བཞེད་སྒྲུབ་པའི་རྣམ་ཐར།


 

  དེ་བཞིན་དུ་གསང་སྙིང་གི་བསྡུས་དོན་དང་། ཆོ་འཕྲུལ་ཟླ་བའི་སྨོན་ལམ། ནང་ཆོས་ཀྱིས་འཇིག་རྟེན་ལ་ལྟ་བ། མེ་ཏོག་རིམ་བཞད། དབེན་པའི་ལམ། ཚེ་སྲོག་གི་ཟློས་གར། ཆར་ནང་གི་གདུགས་སོགས་གསུང་རྩོམ་མི་ཉུང་བ་ཞིག་ལྗགས་རྩོམ་གནང་། དམ་པ་ཉིད་ཀྱིས་ང་རང་ལ་ཡོན་ཏན་གཞན་ཅི་ཡང་མེད་མོད། མི་ལོ་ཉི་ཤུ་ཙམ་གྱི་ཡུན་ལ་བླ་མ་ཡིད་བཞིན་ནོར་བུའི་ཐུགས་དང་འགལ་བ་དང་། ཐུགས་ལ་མི་འཕྲོད་པའི་ལས་ཕྲ་མོ་ཙམ་ཡང་བྱས་མ་མྱོང་། དེ་ཚོ་ང་རང་གི་མི་ཚེ་དོན་ལྡན་རེད་དྲན་བཞིན་ཡོད་ཅེས་རྒྱུན་དུ་གསུངས། འདི་ཉིད་གཅིག་པུས་ཀྱང་དམ་པའི་རྣམ་ཐར་བླ་ན་མེད་པ་གསལ་པོར་བསྟན་ནུས་པ་མ་ཡིན་ནམ། 

  གཞན་ཡང་དམ་པ་འདི་ཉིད་ཀྱི་མཛད་པ་དང་འཕྲིན་ལས་ཀྱི་སྐོར་ནས་སྔོན་བྱོན་རིག་འཛིན་རྣམས་ཀྱིས་ལུང་བསྟན་སོགས་མང་དུ་ཡོད་ཀྱང་འདིར་མ་སྤྲོས། སྤྱིར་ཁོང་གི་མཛད་པ་དང་འཕྲིན་ལས་སོགས་དང་འབྲེལ་བའི་ཕྱི་ནང་གསང་གསུམ་གྱི་རྣམ་ཐར་རྒྱ་ཆེ་བ་ཞིག་ཡོད་མོད་གཞན་དུ་འབྲི་བཞིན་ཡོད་པས་འདིར་མདོ་ཙམ་བྲིས་པའོ། །དེ་ལྟར་མཁས་བཙུན་བཟང་གསུམ་གྱི་ཡོན་ཏན་རྒྱ་མཚོའི་ཕ་རོལ་སོན་པའི་དམ་པ་ཁོང་གི་སྐུ་ཚེ་མི་འགྱུར་རྡོ་རྗེའི་ཆོས་བདུན་གྱི་ངོ་བོར་བསྟན་འགྲོའི་དཔལ་དུ་བཞུགས་པ་ལགས་སོ། །

 

ཞེས་དམ་པ་མཆོག་གི་ཞབས་རྡུལ་སྤྱི་བོར་ལེན་པའི་སྐལ་བ་ཅན་ཚེ་དབང་དངོས་གྲུབ་ཏུ་འབོད་པས་མེ་སྤྲེལ་ལོའི་ཟླ་བ༡ཚེས་༡༥ཉིན་ཁྲིན་ཏུའུ་གྲོང་ཁྱེར་དུ་སྦྱར་བའོ།། །།

  


ནང་དོན་འོག་མ།མཁན་ཆེན་དམ་པ་